ڈیموں کی تعمیر کیلئے لاہور ہائیکورٹ بار کے وکلاء بھی میدان میں آگئے


ملک اشرف :چیف جسٹس پاکستان میاں ثاقب نثار کی پکار پر ڈیموں کی تعمیر کے لئے وکلاء بھی میدان میں آگئے، بھاشا اور مہمند ڈیمز کی تعمیر کے لئے لاہور ہائیکورٹ بار کے وکلاء کی جانب سے مہم کا آغاز کر دیا گیا۔

یہ بھی لازمی پڑھیں:نیوز بلیٹن3بجے 13 نومبر 2018  

سپریم کورٹ آف پاکستان کی ہدایت پر پاکستان میں ڈیمز کی تعمیر کیلئے عطیات میں اپنا حصہ ڈالنے کے لیے لاہور ہائیکورٹ بار ایسو سی ایشن کے وکلاء نے بھی حصہ ڈالنا شروع کر دیا۔ اس سلسلے میں ہائیکورٹ میں ایک تقریب کا انعقاد کیا گیا جس میں ،ملک مقبول صادق سمیت دیگر وکلاء نےایک ایک لاکھ روپے کے چیک عطیہ کر دئیے۔

اس خبر کو لازمی پڑھیں:لاہور ہائیکورٹ میں کلینکس سیل کرنے کے خلاف دائر درخواست پر سماعت

تقریب میں خواتین وکلاء نے بھی ڈیموں کی تعمیر کے لئے عطیات چیک کی صورت میں جمع کروائے۔ اس موقع پر وکلاء کا کہنا تھا کہ ڈیموں کی تعمیر ملکی ترقی کی ضمانت ہے وکلاء نے اپیل کی کہ ڈیموں کی تعمیر قومی خدمت ہے تاہم ہر شہری ڈیمز کی تعمیر کے لیے اپنا حصہ ڈالے۔