ویب ڈیسک: سعودی عرب، کینیڈا، امارات سمیت 6 مختلف ملکوں سے 24 گھنٹے کے دوران مزید 100 پاکستانیوں کو بے دخل کر دیا گیا ہے۔

 امیگریشن ذرائع کے مطابق گزشتہ 24 گھنٹے کے دوران سعودی عرب میں 4 بلیک لسٹ، 13 بھکاریوں، پاسپورٹ میں قوائد کی تبدیلی اور زائد المیعاد قیام پر 5، معاہدے کی خلاف ورزی پر 16، کام سے مفرور 23، کفیل کے بغیر کام کرنے پر 13 پاکستانیوں کو واپس بھیج دیا گیا۔

 عمان، صومالی لینڈ اور امارات میں بلیک لسٹ 4 پاکستانیوں کو بھی ڈی پورٹ کر دیا گیا،کینیڈا میں زائد المیعاد قیام پر 1، عراق میں غیر قانونی داخلے اور زائد المیعاد قیام پر 7، امارات میں دستاویزات نہ ہونے پر 1، جیل سے رہا کر کے 9 پاکستانیوں کو ڈی پورٹ کیا گیا ہے۔