کلیم اختر: خواتین کے تحفظ کیلئے سی ایم پنجاب پروٹیکشن ہیلپ لائن اپریل میں ہی لانچ کر دی جائے گی۔
سوشل ویلفیئر ڈیپارٹمنٹ نے عید کے موقع پر خواتین کے تحفظ کیلئے 1737 ہیلپ لائن کا رواں ماہ میں افتتاح کرنے کا فیصلہ کر لیا ہے. ذرائع کے مطابق تشدد کا شکار ہونے والی خواتین کے ریکسیو کے لئے 1737 ہیلپ لائن پر آنے والی کالز پر رئیل ٹائم رسپانس کے خصوصی انتظامات کئے جائیں گے۔
سوشل ویلفئیر ڈیپارٹمنٹ نے گھریلو ملازم بچیوں کے خلاف تشدد کے تدارک کے لئے مزید سخت قوانین بنانے کا بھی فیصلہ کیا ہے۔ہیلپ لائن پر اطلاع موصول ہونے کی صورت میں دیگر اداروں کی بھی مدد لی جائے گی۔ اس ہیلپ لائن کی مدد سے حاصل ہونے والی معلومات پر مخصوص عملہ فوری حرکت میں آئے گا ۔