سٹی 42 : محکمہ ماحولیات کی جانب سے پنجاب میں دھواں چھوڑنے والی گاڑیوں، موٹرسائیکلوں اور رکشوں کے خلاف سخت کریک ڈاؤن کا اعلان کردیا گیا ہے۔
گاڑیوں کے دھوئیں کے معائنے کی فیسوں کا نیا اور حتمی شیڈول جاری کردیا گیا۔ 15 نومبر کے بعد گرین سٹیکر کے بغیر کوئی گاڑی موٹروے یا شہر کے داخلی راستوں پر داخل نہیں ہو سکے گی۔
ای پی اے پنجاب نے آج سے پیڈ وہیکل ایمیشن ٹیسٹنگ کا آغاز کر دیا۔ آج سے گاڑیوں کے اخراج ٹیسٹ کی فیس لازمی طور پر وصول کی جائے گی۔
موٹر سائیکل کے دھوئیں کے معائنے کی فیس 100 روپے مقرر، رکشے کے لیے اخراج ٹیسٹ فیس 300 روپے مقرر کردی گئی۔ اسکے علاوہ 1000 سی سی تک کی کاروں کیلئے فیس 500 روپےمقرر، 1000 سے 1500 سی سی کیلئے 800 روپے مقرر، 1500 سے 2500 سی سی گاڑیوں کیلئے فیس 1000 روپے، اور 2500 سے 4500 سی سی کے لیے 1500 روپے مقرر، 4500 سی سی سے بڑی گاڑیوں کے دھوئیں کے معائنے کی فیس 2000 روپے مقرر کردی گئی ہے۔
تمام ادائیگیاں صرف ای پے سسٹم کے ذریعے ہوں گی، نقعد ادائیگی مکمل طور پر ممنوع قرار دی گئی ہے۔
ڈی جی کی جانب سے تمام اسٹیشنز پر فیس اور ادائیگی بارےمعلومات نمایاں طور پر آویزاں کرنے کے احکامات جاری کردیے گئے ہیں۔ ترجمان ساجدبشیر کا کہنا ہے کہ ہر آفسر کو آئی ڈی جاری کی جائے گی ، اپنی آئی ڈی کے استعمال کا ذاتی طور پر ذمہ دار ہوگا۔ ہدایات پر عمل درآمد نہ کرنیوالے افسران کیخلاف سخت محکمانہ کارروائی کی جائے گی۔