(سٹی42)پاکستان کرکٹ ٹیم کے سابق کپتان اور سوئنگ کے سلطان وسیم اکرم کی  اہلیہ و سماجی کارکن شنیرا اکرم نے کورونا لہر میں شدت آنے پر اپنے ایک پیغام میں کہا کہ لوگوں کو تقریبات طویل نہیں رکھنی چاہیں۔

تفصیلات کے مطابق پاکستانی کرکٹ کے سابق کپتان،آل راؤنڈر اور سوئنگ کے سلطان وسیم اکرم کی اہلیہ و سماجی کارکن شنیرا اکرم نے کورونا وائرس کی لہر میں تیزی اور اس دوران شادیوں کی تقریبات پر تشویش کا اظہار کیا، سماجی رابطے کی ویب سائٹ ٹوئٹر پر ایک پیغام میں کہا کہ ایسی تقریبات کو طویل کی بجائےمختصر رکھا جائے۔

وسیم اکرم کی اہلیہ شنیرا اکرم کا کہناتھا کہ میں سمجھتی ہوں شادی ایک خوشی کا دن ہے،لیکن بدقسمتی سے اس وقت ہمیں ایک بڑی سنگین صورت حال کاسامنا ہے،نہ صرف یہ غیر محفوظ ہے بلکہ یہ ان لوگوں کے لئے ناقابل یقین حد تک حساس  ہے جنہوں نے اپنی ملازمتیں ، معاش اور اپنے پیاروں کو کھو دیا ہے۔ شنیرا اکرم کا مزید کہناتھا کہ بہتر ہوگا کہ اس رقم کو جوڑے کے مستقبل کے لئے استعمال کریں۔

اپنی شادی کا حوالے دیتے ہوئے بتایا کہ  وسیم اکرم سے ایک چھوٹی سی تقریب میں شادی کے بندھن میں بندھیں۔لوگوں کو نصحت کرتے ہوئے شنیرا اکرم تقریبات کو مختصر رکھیں، زندگیاں بچائیں اور پیسہ بھی، میں وعدہ کرتی ہوں کہ لوگ سمجھیں گے۔میری شادی کی تقریب بڑی نہیں تھی، یہ ٹھیک ہے، ہم بچ گئے، آپ بھی بچ جائیں گے۔

I understand weddings are a happy time but frankly I would be embarrassed hosting a huge function right now. Not only is it unsafe it’s incredibly insensitive to people who have lost their jobs, livelihoods & loved ones. It would be better to use the money for the couples future https://t.co/7qXh3z8wQ7

— Shaniera Akram (@iamShaniera) November 9, 2020