(زیشان نزید)شہر کے یوٹیلٹی سٹورز پر اشیائے ضروریہ کی قلت کا سامنا ہے، دالیں ،بیسن ،چینی کے بعد گھی ،آئل اور چائے کا سٹاک بھی ختم ہونے کے قریب، صارفین خالی ہاتھ لوٹنے لگے مگرحکومت کے سرپر جوں تک نہ رینگی۔
تفصیلات کے مطابق یوٹیلٹی سٹورز سے اشیائے ضروریہ کے قلت کو مہینوں گزر گئے، شہری خالی ہاتھ لوٹتے ہوئے وفاقی حکومت کو شدید تنقید کا نشانہ بنانے لگے, شہریوں کا کہنا ہے کہ عوام کو ریلیف پہنچانے کی دعویدار حکومت بے نقاب ہوگئی ہے، سازش کے تحت یوٹیلٹی سٹورز کو تباہ کیا جارہا ہے، انہوں نے کہا کہ حکومت اپنی ناکامی کا اعتراف کرتے ہوئےسرکاری طور پر یوٹیلٹی سٹورز کو ختم کرنے کا اعلان کردے۔
دوسری جانب یوٹیلٹی سٹورز انتظامیہ بھی اشیائے ضروریہ کے سٹاک کی فراہمی میں بے بس دکھائی دیتی ہے، سٹورز انتظامیہ کا کہنا ہے کہ تاحال سبسڈی کی رقم نہ ملنے پر سٹاک نہیں لا سکیں ۔