(مانیٹرنگ ڈیسک) پولیس نے انکشاف کیا ہے کہ بالی وڈ کے معروف اداکار سلمان خان کو قتل کی دھمکی کا خط لارنس بشنوئی گروپ کے تین افراد کی جانب سے ہی بھیجا گیا ۔
بھارتی میڈیا رپورٹ کے مطابق پولیس نے بتایا ہے کہ لارنس بشنوئی گینگ کے مبینہ رکن مہاکال عرف سدھیش سوربھ کامبلے نے پوچھ گچھ کے دوران یہ اعتراف کیا ہے کہ اس نے اپنے دو دیگر ساتھیوں کے ساتھ مل کر سلمان خان کو دھمکی آمیز خط بھیجا ہے۔
Salman Khan threat letter case | Crime Branch has identified the people who had dropped the letter. There are clues related to them. They will be arrested soon. Right after their identification, 6 teams have been dispatched to different parts of India: Mumbai Police
— ANI (@ANI) June 9, 2022
مہاکل کو سدھو موسے والا کے قتل میں ملوث ہونے کے الزام میں گزشتہ ہفتے پونے سے گرفتار کیا گیا تھا اس نے پوچھ گچھ کے دوران تفتیش کاروں کو بتایا کہ لارنس بشنوئی گینگ کے تین ارکان راجستھان سے آئے تھے اور ان میں سے ایک نے یہ خط باندرہ بینڈ اسٹینڈ کے علاقے میں ایک بینچ پر رکھا تھا جہاں سلمان خان کے والد سلیم خان صبح کی سیر کے بعد بیٹھتے ہیں۔
Salman Khan threat letter case | Jailed gangster Lawrence Bishnoi had issued the letter to Salman Khan & his father Salim Khan. Three people from his gang had come from Jalore, Rajasthan to Mumbai to drop the letter & had met accused Saurabh Mahakal: Mumbai Police
— ANI (@ANI) June 9, 2022
(File pic) pic.twitter.com/hpZEk0cp1C
یاد رہے کہ خط میں دھمکی دی گئی تھی کہ سلمان خان اور ان کے والد کا بھی جلد ہی موسے والا جیسا حال کر دیں گے، جبکہ بدھ کے روز دہلی کی پولیس نے یہ بھی انکشاف کیا تھا کہ گینگسٹر لارنس بشنوئی، جو اس وقت ان کی تحویل میں ہے پنجابی گلوکار اور کانگریس لیڈر سدھو موسے والا کے قتل کا ماسٹر مائنڈہے۔
بھارتی پولیس نے یقین دہانی کروائی ہے کہ سدھو موسے والا کے قتل میں ملوث اور سلمان خان کو دھمکی آمیز خط بھیجنے والے گینگ کے دیگر اراکین اس وقت مفرور ہیں تاہم انہیں جلد ڈھونڈ لیا جائے گا۔