ویب ڈیسک: پاکستانی معروف اداکار سلمان شیخ عرف مانی شہرت کے لیے سوشل میڈیا کےمنفی استعمال پر کافی خفا نظر آئے۔ انہوں نےلکھا کہ کچھ لوگ تو محض چند منٹ کی شہرت کیلئے اپنا پورا کیریئر خطرے میں ڈال دیتے ہیں۔ کیا اب ہمیں ذہانت، لکھنے کی صلاحیت، قلم جیسی چیزوں کو دفن کردینا چاہیے؟
تفصیلات کےمطابق پاکستانی معروف اداکار سلمان شیخ عرف مانی شہرت کے لیے سوشل میڈیا کےمنفی استعمال پر کافی خفا نظرآئے،اداکار مانی کا کہنا تھا آج کل کا دور سوشل میڈیا کا دور ہے جس سے بلاشبہ کوئی انکار نہیں کرسکتا، ایسے میں لوگوں کیلئے شہرت حاصل کرنا معمولی بات ہے جو وہ سوشل میڈیا سے حاصل کرتے ہیں۔
مانی نے انسٹاگرام پر اسی حوالے سے ایک پوسٹ شیئر کی جس میں ان کا کہنا تھا کہ آج کل کے مواد اور تنازعات میں کیا فرق ہے؟ سال 2000 کے ابتدا میں جب میں نے اپنے کیرئیر کا آغاز کیا اس وقت وہی رائٹرز اور میزبان کامیاب تھے جن کے پاس ناظرین کو دینے کیلئے ہر ہفتے اچھا مواد ہوا کرتا تھا۔
View this post on Instagram
اداکار سلمان شیخ عرف مانی نے کہا کہ اگر کسی کے پاس نیا آئیڈیا نہیں ہوتا تھا تو وہ اس فیلڈ میں آگے نہیں بڑھ پاتا تھا، نا ہی اسے زیادہ مواقع ملتے تھے۔ا نہوں نے اپنی پوسٹ میں کہا کہ آج کے دور میں 10 منٹ کی توجہ حاصل کرنے کیلئے ٹک ٹاک، اسنیک ویڈیو اور وی لاگ جیسی بہت چیزیں آچکی ہیں جب کہ آئیڈیاز اور مواد کہیں غائب ہوگئے ہیں اور ان کی جگہ تنازعات نے لے لی ہے۔ اداکار مانی نے افسوس کا اظہار کرتے ہوئے لکھا کہ کچھ لوگ تو محض چند منٹ کی شہرت کیلئے اپنا پورا کیریئر خطرے میں ڈال دیتے ہیں۔ کیا اب ہمیں ذہانت، لکھنے کی صلاحیت، قلم جیسی چیزوں کو دفن کردینا چاہیے؟