سٹی 42: جماعت اسلامی نے لاہور میں بلدیاتی نظام پر عوامی ریفرنڈم کی تیاریاں شروع کردیں ۔
عوامی ریفرنڈم 15 تا 18 جنوری 2026 منعقد ہوگا، تاریخوں کا باضابطہ اعلان کردیا گیا ۔ عوامی ریفرنڈم کے لیے بیلٹ باکسز کی تیاری مکمل کرلی گئی ۔ بڑی تعداد میں بیلٹ باکس تیار کرلیے گئے ۔امیر جماعت اسلامی لاہور ضیاء الدین انصاری نے عوامی ریفرنڈم کے لیے 3 کمیٹیاں قائم کرنے کا فیصلہ کرلیا ۔
ضیاء الدین انصاری ایڈووکیٹ نے کہا عوامی ریفرنڈم کے ذریعے بلدیاتی نظام پر براہ راست عوامی رائے لی جائے گی ۔لاہور بھر کے اہم چوکوں اور چوراہوں پر ریفرنڈم کے دوران پولنگ اسٹیشنز / کیمپس قائم کیے جائیں گے ۔خواتین کی بھرپور شرکت یقینی بنانے کے لیے خصوصی انتظامات کیے جائیں گے۔
پولنگ اسٹیشنز پر امن و امان اور نظم و ضبط کو یقینی بنایا جائے گا ۔
عوامی ریفرنڈم کے ذریعے بلدیاتی نظام پر عوام کی رائے لی جائے گی، خواتین کی شمولیت کے لیے خصوصی اور محفوظ انتظامات کیے جائیں گے
عوام کو بلدیاتی ایکٹ میں ترمیم کے عمل میں شامل کیا جائے گا۔حکومت پنجاب کو عوامی طاقت سے مجبور کریں گے و ہ بلدیاتی ایکٹ میں سے عوامی مفاد کی دشمن شقوں کا ختم کرے ۔پنجاب حکومت کو بلدیاتی ایکٹ میں راہ فرار حاصل نہیں کرنے دیں گے ۔