(قیصر کھوکھر) بے روز گار نوجوانوں کیلئے خوشخبری، محکمہ آبپاشی میں کمپیوٹر آپریٹر بھرتی کرنے کا فیصلہ کر لیا گیا۔
محکمہ آبپاشی نے 377 کمپیوٹر آپریٹر بھرتی کرنے کی ریکوزیشن پنجاب پبلک سروس کمیشن کو ارسال کر دی ہے، یہ کمپیوٹر آپریٹر گریڈ 11 میں بھرتی کیے جائیں گے، اس بھرتی سے محکمہ آبپاشی میں آئی ٹی کے شعبہ میں افرادی قوت کی کمی پوری ہو جائے گی۔پنجاب پبلک سروس کمیشن کمپیوٹر آپریٹر کی بھرتی کے لیے اخبارات میں جلد ہی اشتہار شائع کروائے گا۔
دوسری جانب یونیورسٹی آف ایجوکیشن نے بھی اپنے 39 ہزار طلبہ کیلئے 500 نئے لیکچرارز بھرتی کرنے کا فیصلہ کرلیا، کنٹریکچوئل لیکچرار یونیورسٹی کے 9 کیمپسز اور 5 اضلاع میں بھرتی کیے جائیں گے۔
لیکچرار کی بھرتی سپرنگ سمسٹر 2023 کیلئے کی جائے گی، یونیورسٹی انتظامیہ نے لیکچرار کی تعلیمی قابلیت ایم ایس اور ایم فل مقرر کی ہے، خواہشمند لیکچرار اپنی درخواستیں 13 جنوری تک آن لائن جمع کرا سکتے ہیں، شارٹ لسٹڈ امیدواروں کو انٹرویو کیلئے بلایا جائے گا۔