ویب ڈیسک:  کویت اور عمان میں اسرا و معراج کے موقع پر 16جنوری کو سرکاری تعطیل کا اعلان کر دیا گیا ہے، تاہم متحدہ عرب امارات میں یہ دن عام تعطیل نہیں ہوگا۔

اسرا و معراج دنیا بھر کے مسلمانوں کے لیے ایک مقدس رات ہے، جو ہجری کیلنڈر کے مطابق 27 رجب 1447 کی شب منائی جائے گی۔ شب معراج اسلامی روایت میں اہمیت رکھتی ہے اور یہ پیغمبر اسلام ﷺ کے معجزانہ سفر اور آسمان کی جانب معراج کی یاد میں منائی جاتی ہے۔

کویت میں شبِ معراج کی مناسبت سے تین روزہ تعطیلات دی گئی ہیں  چونکہ جمعہ 16 جنوری کے ساتھ ہفتہ وار تعطیل ہے، اس لیے حکومت نے ہفتہ 17 اور اتوار 18 جنوری کو بھی چھٹی دینے کا فیصلہ کیا ہے، جبکہ اتوار کو متبادل تعطیل قرار دیا گیا ہے.

اسلامی تعلیمات کے مطابق اس رات نبی اکرم ﷺ نے مسجد الحرام مکہ مکرمہ سے مسجد اقصیٰ یروشلم تک کا معجزانہ سفر کیا۔ اس سال یہ دن ہجری کیلنڈر کے مطابق گریگورین کیلنڈر پر 16 جنوری کو آئے گا، مگر متحدہ عرب امارات میں اسے سرکاری عام تعطیل نہیں سمجھا جائے گا۔