قوم کے محافظ ہی منشیات فروش نکلے


(شاہد ندیم سپرا) کوٹ لکھپت پل نشیئوں کی آماجگاہ بن گیا، پولیس کی سرپرستی میں نشئی ہیروئن پینے لگے، سٹی 42 نے پولیس اہلکاروں کی موجودگی میں نشہ کرنے والوں کی ویڈیو حاصل کر لی۔

یہ بھی لازمی پڑھیں:نیوز بلیٹن3بجے 13 نومبر 2018  

کوٹ لکھپت پل کے نیچے نشیئوں نے ڈیرے ڈال رکھے ہیں تاہم پولیس کی جانب سے کسی بھی قسم کی کارروائی عمل میں نہیں لائی جا رہی۔ پل کے نیچے پولیس کی سرپرستی میں نشئی نشہ کرنے میں مصروف نظر آ رہے ہیں، ویڈیو میں واضح طور پر دیکھا جا سکتا ہے کہ موٹر سائیکل پر سوار دو باوردی اہلکار نشیئوں کیساتھ موجود ہیں۔

فوٹیج کے مطابق ایک اہلکار نشئی کو ہیروئن فراہم کرتا ہے اور وہ ساتھ بیٹھ کر پینے میں مصروف ہو جاتا ہے،سٹی 42کا کیمرہ دیکھ کر پولیس اہلکاروں نے نشیئوں کو ڈانٹنا شروع کر دیا۔

پولیس اہلکاروں کی ڈانٹ کے باوجود نشئی ہیروئن پینے میں مصروف رہا، سرعام نشہ کرنے والوں کو پکڑنے کی بجائے پولیس اہلکار موقع سے نکل گئے۔

یہ بھی لازمی پڑھیں:شہباز شریف کو ٹھنڈ لگ گئی

ویڈیو دیکھیں