قیصر کھوکھر : پنجاب پبلک سروس کمیشن نے مختلف اسامیوں کیلئے ترقیوں کا اعلان کردیا۔پانچ اسسٹنٹ ڈائریکٹر کو ڈپٹی ڈائریکٹر اورسٹینوگرافر کی پی ایس کے عہدے پرترقی دیدی گئی۔ مختلف وجوہات کی بنیادپر 3ا فسران کو اگلے گریڈ میں ترقی نہ دی جا سکی۔
پنجاب پبلک سروس کمیشن میں متعدد ملازمین کی ترقی ہوئی ہے۔ ترجمان پنجاب پبلک سروس کمیشن کے مطابق محکمانہ ترقیاتی کمیٹی کے اجلاس میں متعدد ملازمین کی ترقی کی منظوری دی گئی۔ جس کے مطابق05 اسسٹنٹ ڈائریکٹر کی ڈپٹی ڈائریکٹر کے عہدے پر جبکہ 04 سینئر سکیل سٹینوگرافرز کو پرائیویٹ سیکرٹری کے عہدے پر ترقی دی گئی ہے۔ اسسٹنٹ ڈائریکٹر نذیر احمد، عبداللہ راشد، خرم امتیاز، محمد ظریف اور محمد عاصم شیخ کو ڈپٹی ڈائریکٹر کے عہدے پر ترقی دی گئی ہے۔ اس طرح فائزہ انور، اقصٰی، عدیلہ اشرف، حافظ محمد طیب رانا کو پرائیویٹ سیکرٹری کے عہدے پر ترقی دی گئی ۔ چیئرمین پنجاب پبلک سروس کمیشن لفٹیننٹ جنرل ریٹائرڈ محمد عبدالعزیز کی ہدایت پر افسران کی ترقی کا باقاعدہ نوٹیفکیشن جاری کر دیا گیا ہے۔