ویب ڈیسک : وفاقی حکومت نے پٹرول، ڈیزل ، مٹی کے تیل کی قیمت میں ہوشربا اضافہ کے بعد کمرشل طیاروں میں استعمال ہونے والے فیول کی قیمت میں بھی بہت بڑا اضافہ کر دیا۔

 حکومت نے کمرشل طیاروں میں استعمال ہونے والے   جیٹ فیول کی قیمت میں 154 روپے فی لیٹر کا بڑا اضافہ کر دیا ہے۔ 

 ایئر لائنز کے طیاروں کے لیے   جیٹ فیول کی قیمت میں  ایک ہی رات میں 82 فیصد کا ریکارڈ اضافہ ہونے سے کمرشل طیاروں کی فلائٹ کی کاسٹ میں بے تحاشا اضافہ ہو گیا ہے۔

  جیٹ فیول کی قیمت کل رات 188.93 روپے  فی  لیٹر تھی، آج یہ  بڑھ کر 342.37 روپے کی ریکارڈ سطح پر پہنچ گئی ہے۔

  جیٹ فیول کی قیمت بڑھنے سے ایئر لائنز کے کم ترین فاصلہ کے روٹس پر بھی کرایوں میں 5 ہزار روپے تک اضافے کا امکان ہے۔