اسرار خان: لاہور میں ڈولفن اسکواڈ نے چھٹی کے روز ون ویلنگ اور پتنگ بازی کے خلاف خصوصی کریک ڈاؤن کرتے ہوئے 10 افراد کو گرفتار کر لیا۔

ترجمان ڈولفن کے مطابق مسلم ٹاؤن، اچھرہ اور گلشن راوی سمیت مختلف علاقوں سے ون ویلنگ میں ملوث 6 افراد کو حراست میں لیا گیا جبکہ پابندی کے باوجود پتنگ بازی کرنے والے 4 افراد کو بھی رنگے ہاتھوں گرفتار کیا گیا۔

ترجمان نے بتایا کہ کارروائی کے دوران ملزمان کے قبضے سے موٹر سائیکلیں، پتنگیں اور ڈور برآمد کر لی گئی ہے جسکے بعد گرفتار ملزمان کو قانونی کارروائی کے لیے متعلقہ تھانوں کے حوالے کر دیا گیا ہے۔