ویب ڈیسک: تاجر کو اغواء کرکے 20 لاکھ تاوان لینے کا کیس، انسداد دہشتگردی عدالت نے مقدمہ میں ملوث دو ملزمان کوجسمانی ریمانڈ پر پولیس کے حوالے کر دیا۔
ایڈمن جج عبہر گل خان نے کیس کی سماعت کی، دوران سماعت ملزم زعیم الدین طارق اور محمد عمیر کو عدالت کے روبرو پیش کیا گیا۔ انسپکٹر نوید نے ملزمان کے جسمانی ریمانڈ کی استدعا کی۔
عدالت نے دونوں ملزمان کو چودہ روزہ جسمانی ریمانڈپر پولیس کے حوالے کر دیا ۔ملزمان کیخلاف تھانہ جنوبی چھاؤنی میں اغواء برائے تاوان کا مقدمہ درج ہے ۔