(عرفان ملک)باغبانپورہ میں شہری کو اغوا کرکے تشدد کا نشانہ بنانے  والے تینوں ملزمان گرفتار، ملزمان تشدد کرکے بھتہ مانگتے رہے، مقدمہ درج کرلیا گیا۔ 
پولیس کے مطابق باغبانپورہ میں شہری زوہیب کو علاقے کے اوباش افراد نے اغوا کیا اور پھر اسے تشدد کا نشانہ بناتے ہوئے ویڈیو بنائی جس کو بعد میں سوشل میڈیا پر اپ لوڈ بھی کیا گیا ۔

پولیس کے مطابق ملزمان احمدعلی،راجہ احمد اور یاسر نے شہری زوہب سے5لاکھ بھتہ مانگا،ملزمان ڈکیتی اور منشیات کے متعدد مقدمات میں ریکارڈ یافتہ ہیں۔ پولیس نے ملزمان کے قبضے سے 3 پستول،گولیاں اور 4 کلو 500 گرام چرس برآمد کر کے مقدمہ بھی درج کر لیا ہے۔