(مانیٹرنگ ڈیسک)صوبائی وزیرتعلیم ڈاکٹر مراد راس نے کا کہناتھا کہ ہم نے ایک بڑا فیصلہ کیا جس کے تحت ٹرانس جینڈر  کے لئے سکول کھولے جارہے ہیں،ایجوکیشن کے بعد  دوسرا سٹیپ  یہ ہوگا کہ ان کو نوکریاں دیں جائیں، کل ملتان میں پہلے سکول کی اوپننگ ہے۔

تفصیلات کے مطابق صوبائی وزیر تعلیم ڈاکٹر مرادراس نے فلیٹیز ہوٹل میں پریس کانفرنس کرتے ہوئے کہا کہ ٹرانس جینڈر  کے لئے سکول کھولنے جارہے ہیں کیونکہ وہ جب ریگولر سکول میں جائیں گے تو ان کو مشکلات درپیش ہوں گی،بعض اوقات بچے چونکہ ناسمجھ ہوتے ہیں وہ ایسے سخت الفاظ کہہ جاتے ہیں جن کو برداشت کرنا پڑتا ہے، ہمارا پہلا سٹیپ یہ کہ ہم ٹرانس جینڈر کے لئے سکول کھول رہے ہیں، اس کا نام ہم نے ٹرانس ایجوکیشن رکھا ہے، ایم فل بھی ڈھونڈے ہیں جو کہ ان سکول میں پڑھانا چاہتے ہیں، دوسرا سٹیپ  یہ ہوگا کہ ان کو نوکریاں دیں جائیں۔

اس اقدام کا مثبت رزلٹ آئے گا، اس مقصد کے لئے ہم پہلے ملتان میں ان کے لئے سکول کھول رہے ہیں جو کہ سیکرٹری سکول ایجوکیشن  ڈاکٹراحتشام  تمام فرائص اپنی زیر نگرانی کرائیں گے،اس کے بعد لاہور، راولپنڈی اور جتنے ہمارے مین ڈویژن ہیڈکوارٹر ہیں وہاں  ٹرانس جینڈر کے لئے سکول کھولیں گے، وہ دن بھی آئے گا جب یہ ریگولر سکولوں میں آئیں گے، سب ہمارے لوگ ہیں، سب کے لئے جگہ بنانی ہے۔

Today School Education Department launched Enrolment Drive & Insaaf Afternoon Schools Programme (IASP). The Enrolment Drive will be for both the regular daytime school and IASP. Our SED teams are working extremely hard to meet their goals in these difficult times of COVID. pic.twitter.com/KhHThtvKrr

— Murad Raas (@DrMuradPTI) July 6, 2021

ڈاکٹر مراد راس کا کہناتھا کہ جو ٹرانس جینڈر نے مطالبات کئے ہم ان کو ضرور پورا کریں گے،یہ ایک بڑا سٹیپ ہے اور کل ملتان میں سکول کھلے گا،دوسری چیز انرولمنٹ ہم نے شروع کردی ہے کیونکہ 3 ہفتے کے لئے سکول بند ہیں،انصاف آفٹر نون سکول 15 جولائی تک ویریفائی ہوجائیں گے،پنجاب کے سکولوں کے ساتھ انصاف آفٹرنون سکول کا بورڈ بھی آویزں کیاجائے گا۔

Minister for School Education @DrMuradPTI is addressing a Press Conference after a working session with officials of District Education Authorities on School Enrollment Drive & IASP.

Watch LIVE:https://t.co/ksoOuxoatK

— School Education Punjab (@SchoolEduPunjab) July 6, 2021

تاکہ لوگوں کا پتہ لگے کے پرائمری سکول ایلیمنڑی میں بدل چکا ہے، ان چیزوں سے ہم سکول ایجوکیشن ڈیپارٹمنٹ کو تبدیل کریں گے،ہمارے 5 سال ختم ہونے پر پاکستان اور دوسرا بڑا یہ ادارہ ایک موبائل پر موجود ہوگا، کسی بچے کو ڈھونڈنا، سکول یا کسی اساتذہ کو اس کو آسانی سے تلاش کرسکیں گے۔

یاد رہے کہ پنجاب حکومت نے خواجہ سراؤں کی تعلیم کے بارے میں منصوبہ بنایا ہے، اس سے قبل خواجہ سراؤں کو سکولوں میں داخلہ نہیں ملتا تھا، اب پنجاب حکومت نے خواجہ سراؤں کے ساتھ متعدد اجلاسوں کے بعد فیصلہ کیا کہ خواجہ سرا اب عام تعلیمی اداروں میں پڑھیں گے اور انہیں حکومت روزگار بھی دے گی۔