سٹی42: الیکشن کمیشن آف پاکستان نےمیرپور خاص میں پیپلز پارٹی کے صوبائی اسمبلی کے امیدوار ذوالفقار علی شاہ پر فائرنگ کے واقعہ کا فوری نوٹس لیتے ہوئے چیف سیکرٹری اور اور آئی جی سندھ سے فوری رپورٹ طلب کر لی ہے۔
الیکشن کمیشن نے چیف سیکریٹری اور آئی جی سندھ کو واقعہ میں ملوث تمام افراد کے خلاف فوری قانونی کاروائی کرنے اور واقعہ اور اس کے بعد کی جانے والی قانونی کارروائی کی رپورٹ الیکشن کمیشن کو ارسال کرنے کی ہدایات جاری کر دی ہیں۔