ویب ڈیسک: برطانیہ میں اسکول کے طلبا کی سخت سرد موسم میں اسکول کے بجائے اسکول کے باہر کھلے آسمان تلے نماز پڑھنے کی ویڈیو وائرل ہوگئی جس پر اسکول انتظامیہ نے معافی مانگ لی۔
غیر ملکی میڈیا کے مطابق زیر غور ویڈیو مانچسٹر سے نزدیک اسکول آلڈھم اکیڈمی نارتھ کے طلبا کی ہے۔ ویڈیو میں 8 طلبا کو اسکول یونیفارم پہنے اسکول کے باہر کھلے آسمان تلے نماز پڑھتے دیکھاگیا۔طالب علم کے مطابق اسکول میں طلبا کے لیے نماز کا کمرہ کافی عرصے سے موجود ہے جہاں تمام مسلمان طلبا نماز کی ادائیگی کرتے تھے۔
Muslim students at @OldhamAcademy were allegedly kicked out of a classroom while they were praying Jumuah during lunch time, resulting in them praying outside in the cold. @OldhamAcademy Academy issued the following statement on Thursday:https://t.co/IMbh77raVD pic.twitter.com/a5KXahwgk8
— 5Pillars (@5Pillarsuk) December 3, 2021
ایک طالب علم نے بتایا کہ انہیں اسکول کے ایک استاد نے جمعہ کی نماز ’نماز روم ‘ میں ادا کرنے سے منع کیا اور باہر جا کر نماز پڑھنے کا کہا۔ویڈیو وائرل ہونے کے بعد سوشل میڈیا صارفین کی جانب سے اسکول انتظامیہ کو خاصا تنقید کا نشانہ بنایا جارہا ہے جس کے بعد اسکول انتظامیہ کا مؤقف بھی سامنے آگیا جس میں انتظامیہ نے بچوں کے والدین سے معافی مانگی اور بتایا کہ واقعے کی تحقیقات کا آغاز کردیا گیاہے۔اسکول انتظامیہ نے مؤقف اختیا کرتے ہوئے بتایا کہ بچوں نے نماز روم کو نقصان پہنچانے کی کوشش کی تھی۔