آمدن سے زائد اثاثہ جات،  نیب نے حمزہ اور سلمان شہباز کو طلب کرلیا

آمدن سے زائد اثاثہ جات،  نیب نے حمزہ اور سلمان شہباز کو طلب کرلیا


سٹی42 : سابق وزیراعلی پنجاب شہباز شریف کے صاحبزادے حمزہ شہباز اور سلمان شہباز کے گرد بھی نیب کا گھیرا تنگ ہونے لگا۔

یہ بھی لازمی پڑھیں:نیوز بلیٹن3بجے 13 نومبر 2018  

 شہبازشریف کے آمدن سے زائد اثاثوں کے کیس میں شہبازشریف کے بینیفشری ہونے کی حیثیت سے حمزہ شہباز اور سلمان شہباز کو نو نومبر کو طلب کر لیا گیا ہے۔

آشیانہ اقبال سکینڈل میں نیب کی زیر حراست سابق وزیراعلی پنجاب شہباز شریف کے دونوں بیٹے بھی نیب کے ریڈار پر آگئے۔ نیب نے آمدن سے زائد اثاثہ جات بنانے کے الزامات پر اپوزیشن لیڈر پنجاب اسمبلی حمزہ شہباز اور ان کے بھائی سلمان شہباز کو ایک بار پھر طلب کر لیا۔

ذرائع کے مطابق نیب نے شہباز شریف کے خلاف آمدن سے زائد اثاثہ جات بنانے کی انکوائری شروع کر رکھی ہے، جبکہ شہباز شریف کے دونوں بیٹوں کو ان کا بینیفشری ہونے کی حیثیت سے نیب نے طلب کیا ہے۔ شہباز شریف کے صاحبزادے سلمان شہباز ایک بار نیب لاہور میں پیش ہو کر اپنا بیان قلمبند کروا چکے ہیں تاہم حمزہ شہباز نے سکیورٹی خدشات کی بنا پر نیب میں پیش ہونے سے معذرت کی تھی، جس کی بنا پر نیب نے انہیں 9 نومبر کو دوبارہ بیان قلمبند کروانے کے لئے طلب کیا ہے۔

یہ بھی لازمی پڑھیں:شہباز شریف کو ٹھنڈ لگ گئی

 

شازیہ بشیر

Shazia bashit Editor