ویب ڈیسک: کِیا گاڑیاں بنانے والی لکی موٹر کمپنی نے کِیا اسپورٹیج ویرینٹس کی قیمتوں میں 3 لاکھ روپے تک کمی کردی۔

 گزشتہ روز سے نظرثانی شدہ قیمتوں کا اطلاق ہو چکا ہے، کمپنی کے نوٹیفکیشن کے مطابق سپورٹیج الفا کی قیمت میں اڑھائی لاکھ روپے کی کمی کی گئی ہے۔

 گاڑی کے چاروں ویریئنٹس کی قیمتوں میں کمی کی گئی ہے ،سپورٹیج ایف ڈبلیو ڈی، اے ڈبلیو ڈی اور لمیٹڈ ایڈیشن کی قیمتوں میں تین لاکھ روپے تک کی کمی کی گئی ہے، کمپنی نے اس قدم کے پیچھے وجوہات پر بات نہیں کی ہے جبکہ  نئی قیمتیں 4 مارچ 2024 سے لاگو  کردی گئیں ہیں۔

 سپورٹیج الفا کی نئی قیمت اب 73 لاکھ روپے، ایف ڈبلیو ڈی کی نئی قیمت 77 لاکھ 40 ہزار روپے، اے ڈبلیو ڈی کی نئی قیمت 84 لاکھ 70 ہزار روپے اور لمیٹڈ ایڈیشن کی نئی قیمت 90 لاکھ روپے ہو گئی ہے۔