(ویب ڈیسک) مشہور زمانہ ڈرامہ سیریل ارتغرل غازی میں ’ حلیمہ سلطان‘ کا کردار نبھانے والی اداکارہ اسراءبلجیک ممکنہ طور پر پشاور زلمی کا حصہ بننے جا رہی ہیں۔
سماجی رابطوں کی ویب سائٹ ٹوئٹر سے جاری اپنے پیغام میں ترکش اداکارہ اسراءبلجیک نے پشاور زلمی کے چیئرمین جاوید آفریدی اور پشاور زلمی کو ٹیگ کرتے ہوئے لکھا کہ میں بہت جلد آپ لوگوں سے اچھی خبر شیئر کرنے والی ہوں۔
Thank you #HalimeSultan https://t.co/nLCWRDsBFD
— Javed Afridi (@JAfridi10) July 5, 2020
اسراءبلجیک کے ٹویٹ کے جواب میں پشاور زلمی کے ملک جاوید آفریدی نے ان کا شکریہ ادا کیا۔
Thank you #HalimeSultan https://t.co/nLCWRDsBFD
— Javed Afridi (@JAfridi10) July 5, 2020
پشاور زلمی کی نمائندگی کرنے والے پاکستانی تیز گیند باز وہاب ریاض نے جواباً ٹوئٹ میں جاوید آفریدی کا مخاطب کرتے ہوئے کہا کہ ’میں اس اچھی خبر کو سننے کا انتظار کر رہا ہوں۔
???? looking forward to hear this news Javed bhai ????????
— Wahab Riaz (@WahabViki) July 5, 2020
یاد رہے اس سے قبل جاوید آفریدی نے سماجی رابطے کی ویب سائٹ ٹوئٹر پر گزشتہ دنوں’ارطغرل‘ کا کردار ادا کرنے والے انجن التان کو پشاور زلمی کی ٹیم کا حصہ بنانے کے حوالے سے ایک ٹوئٹ کیا تھا، جس میں جاوید آفریدی نے کہا کہ اگر ارطغرل غازی پشاور زلمی کی ٹیم میں برانڈ ایمبیسیڈر کے طور پر شامل ہوں تو؟
جس پر کرکٹ شائقین کی بڑی تعداد نے خوشی کا اظہار کیا، بعدازاں انہوں نے ’ حلیمہ سلطان‘ کا مرکزی کردار ادا کرنے والی اداکارہ اسراءبلجیک کو فرنچائز کا برانڈ ایمبیسڈر بنانے کے حوالے سے ایک اور ٹوئٹ کیا کہ اگر ہم یہی پیشکش حلیمہ سلطان کو بھی کریں؟
یاد رہے کہ ترکش سیریز ’ ارطغرل غازی‘کو وزیراعظم عمران خان کی ہدایت پر پی ٹی وی پر نشر کیا جارہا ہے جس کو پاکستان بھر میں انتہائی مقبولیت حاصل ہے۔