ویب ڈیسک: سری لنکا کے مایہ ناز بلے باز سنتھ جے سوریا بھی سیالکوٹ میں ہجوم کے ہاتھوں سری لنکن منیجر کے قتل پر بول پڑے ۔
سنتھ جے سوریا نے سوشل میڈیا پر شیئر کی گئی ٹویٹ میں لکھا کہ جو کچھ پاکستان میں ہوا وہ بہت ہی حیران کن ہے۔کہاان دلی ہمدردی متاثرہ خاندان کے ساتھ ہے۔ انہیں یقین ہے کہ وزیراعظم عمران خان سیالکوٹ واقعے میں انصاف کے تقاضوں کو پورا کریں گے۔
What happened in Pakistani was very shocking. My deepest sympathies to the family. However, I know that the Pakistani prime minister @ImranKhanPTI will ensure that Justice will prevail. #Sialkot
— Sanath Jayasuriya (@Sanath07) December 4, 2021
یاد رہے کہ چند روز قبل سیالکوٹ میں قائم لیدر فیکٹری میں کام کرنے والے غیر ملکی مینیجر کو ملازمین نے توہین مذہب کا الزام لگا کر بہیمانہ تشدد کا نشانہ بناکر قتل کردیا تھا جبکہ مقتول کی لاش کو چوک پر لاکر نذر آتش کردیا تھا۔
وقوعہ کے وقت لیدر فیکٹری میں رنگ روغن کا کام جاری تھا، سری لنکن منیجر نے صبح 10 بج کر28 منٹ پردیوارپر لگے کچھ پوسٹرز اتارے تو اس دوران فیکٹری منیجر اور ملازمین میں معمولی تنازع ہوا۔ فیکٹری منیجر نے غلط فہمی کا اظہار کرکے معذرت بھی کی لیکن کچھ ملازمین نے بعد میں دیگر افراد کو اشتعال دلایا جس پر بعض ملازمین نے منیجر کو مارنے کے بعد آگ لگادی۔