درنایاب :وزیراعلیٰ پنجاب سردار عثمان بزدار کا بغیر پروٹوکول کے شہر میں نکل پڑے،بارش کے دوران شہر کی سڑکوں کا جائزہ لیا۔
وزیر اعلیٰ پنجاب نے لارنس روڈ کا دورہ کیا ،وزیراعلیٰ پنجاب کےدورہ کےموقع پرکمشنر لاہور ذوالفقار احمد گھمن، ڈپٹی کمشنرلاہور دانش افضال، وائس چیئرمین واسا اور ایم ڈی واسا بھی موجود تھے،وزیراعلیٰ نےکہا کہ لاہور میں گزشتہ حکومتوں کی نسبت نکاسی کےبہترین انتظامات کیےگئےہیں،اس نوعیت کی بارش سےلارنس روڈ کا علاقہ پہلے ڈوب جاتا تھا،سردارعثمان بزدار نے کہا کہ واسا عملےکی تعریف کرتا ہوں جنہوں نےمون سون میں بہترین کام کیا۔
وزیراعلیٰ @UsmanAKBuzdar کا روٹین میٹنگز منسوخ کر کے لاہور کے مختلف علاقوں کا دورہ اور نکاسی آب کے لئے واسا اور ضلعی انتظامیہ کی جانب سے کئےجانے والے اقدامات کا مشاہدہ کیا
— Government of Punjab (@GOPunjabPK) September 4, 2020
وزیراعلیٰ نے لارنس روڈ پر انڈر گراؤنڈ واٹر سٹوریج کا بھی معائنہ کیا اور WASA کی ٹیم کو سراہا. #LahoreRain pic.twitter.com/YguxrfRI8C
وزیراعلی پنجاب کا کہنا تھا کہ مزید 2 سے3 گھنٹوں میں شہرکو کلیئرکردیا جائیگا،ایم ڈی واسا سید زاہد عزیز نےنکاسی کے آپریشن پروزیراعلی کو بریفنگ دی۔
دوسری جانب وائس چیئرمین واسا شیخ امتیازمحمود کی پھرتیاں،بارش کے دوران برساتی پہن کر کنٹرول روم پہنچ گئے۔وائس چیئرمین کےدفتر اور کنٹرول روم کا فاصلہ صرف چند فرلانگ کا ہے،شہر بھر میں موسلا دھار بارش کےدوران شیخ امتیاز محمود نےسڑکوں کی بجائے ہیڈ آفس میں موجود ان ڈورواسا مون سون کنٹرول روم کا دورہ کیا ،ڈائریکٹر پی اینڈ ای محمد یوسف نے وائس چیئرمین واسا کو بریفنگ دی، وائس چیئرمین واسا نے ہدایت کی کہ بارش کےدوران تمام رپورٹنگ بروقت کی جائے۔