ویب ڈیسک: پاکستان کرکٹ ٹیم کے فاسٹ بولر نسیم شاہ سرجری کے بعد غنودگی میں والدہ کو یاد کرکے آبدیدہ ہوگئے۔
نسیم نے غنودگی کی حالت میں کہا کہ والدہ کی بہت یاد آرہی ہے، ساتھ ہی وہ پوچھتے رہے کہ میری والدہ مجھ پرفخرکرتی ہوں گی؟ فاسٹ بولر کی ہسپتال کے بستر سے سامنے آنے والی ویڈیو میں سنا جاسکتا ہے کہ نسیم کہتے ہیں میری والدہ دنیا کی بہترین ماں ہیں۔
Naseem Shah's emotional moment: Tears flow as he remembers his late mother after surgery. She's surely proud! ????❤#staywoke #wokebycapital #naseemshah #mother #cricketer #getwellsoon pic.twitter.com/j2f3qKOXcJ
— WOKE by Capital (@WOKEbyCapital) October 4, 2023
واضح رہے کہ پاکستان کے اسٹار بولر نسیم شاہ کے کندھے کی سرجری آج صبح مکمل ہوگئی ہے۔
ذرائع کے مطابق انگلینڈ میں نسیم شاہ کے کندھے کی ٹنڈن کی سرجری کر دی گئی ہے، سرجری کے بعد نسیم شاہ 4 سے 6 ہفتے آرام کریں گے اور ری ہیب مکمل کرنے کے بعد بولنگ شروع کر سکیں گے۔ نسیم شاہ گزشتہ ماہ ایشیا کپ میں بھارت کے خلاف میچ میں کندھے کی تکلیف کا شکار ہوئے تھے، ماہر ڈاکٹرز نے نسیم شاہ کی سرجری تجویز کی تھی۔
پاکستانی اسٹار بولر نسیم شاہ کندھے کی تکلیف کے باعث بھارت میں 5 اکتوبر سے شروع ہونے والے انٹرنیشنل کرکٹ کونسل ( آئی سی سی) مینز ورلڈکپ میں پاکستان کی نمائندگی کرنے سے محروم ہو گئے تھے۔