وقاص عظیم : رمضان سے قبل عوام کیلئے بڑی خوشخبری، یوٹیلیٹی اسٹورز پرساڑھے7 ارب روپےکا رمضان ریلیف پیکج کا اعلان کردیا گیا۔ 

رمضان پیکچ کےتحت اشیائے ضروریہ کی قیمتوں میں کمی کردی گئی۔ یوٹیلیٹی اسٹورز پر چائےکی800 گرام قیمت میں100 روپے کی کمی کردی گئی، اس کے علاوہ بیسن اور کھجور فی کلو 50 روپے سستا، دودھ کے فی لیٹر ٹیٹرا پیک قیمت میں 30 روپے کی کمی کردی گئی۔ دالیں اور چاول کی فی کلو قیمت میں 25 روپے تک کمی، کوکنگ آئل کی فی لیٹر قیمت میں 25 روپے کی کمی، مشروبات کی 800 ملی لیٹر قیمت میں 30 روپے کی کمی کردی گئی۔ 

بی آئی ایس پی صارفین کیلے چینی کی فی کلو قیمت 109 روپے برقرار ہے۔ اس کے علاوہ گھی کی فی کلو قیمت 365 روپے برقرار رہے گی، آٹے کے10 کلو تھیلے کی قیمت 648 روپے برقرار ہوگی۔ 

یوٹیلیٹی اسٹورز نےرمضان پیکچ کے تحت قیمتوں میں کمی کا نوٹیفکیشن جاری کردیا۔ یوٹیلیٹی اسٹورز پر رمضان ریلیف پیکچ کا اطلاق 5 مارچ سے ہوگا، رمضان ریلیف پیکج چاند رات تک جاری رہے گا۔