سعود بٹ: سابق ڈی جی ایل ڈٰی اے احد چیمہ کے خلافتحقیقات میں نئے انکشافات سامنے آ گئے۔ احد چیمہ اورقریبی رشتہ داروں کی پیراگون سوسائٹی میں اراضی کا کھوج لگا لیا گیا۔

 تفصیلات کے مطابق احد چیمہ اور اس کے قریبی رشتہ داروں کے نام پیرا گون سوسائٹی میں 4 ایکڑ اراضی کے شواہد نیب لاہور کو مل گئے۔ احد چیمہ کی اراضی سے متعلق ابتدائی شواہد پیراگون سٹی سےتحویل میں لئے گئے ریکارڈ سے ملے۔ سابق ڈی جی ایل ڈٰی اوران کے قریبی رشتہ داروں کی اراضی کی تصدیق کے لئے متعلقہ اداروں سے جواب طلب کر لیاگیا ہے۔

علاوہ ازیں احد چیمہ سے متعلق نئے انکشافات کی روشنی میں احتساب عدالت سے ریمانڈ میں توسیع کی استدعا کی جائے گی۔ 3 روز قبل پیراگون سوسائٹی میں مارے گئے چھاپہ سے مزید انکشافات کی توقع ہے۔ پیراگون سوسائٹی سے تحویل میں لئے گئے کمپیوٹرز ریکارڈ کا بھی جائزہ لیا جا رہا ہے۔