ویب ڈیسک :  گورنر اسٹیٹ بینک نے ایک بار پھر واضح کیا ہے کہ 5ہزار کا کرنسی نوٹ ختم نہیں کیا جا رہا۔

 سینیٹ کی قائمہ کمیٹی برائے خزانہ کے اجلاس میں بریفنگ دیتے ہوئے گورنر اسٹیٹ بینک جمیل احمد نے کہا کہ تمام کرنسی نوٹ تبدیل کیے جا رہے ہیں۔ نوٹوں کے رنگ تبدیل اور سکیورٹی فیچرز شامل کیے جا رہے ہیں۔

انہوں نے بتایا کہ اسٹیٹ بینک کے بورڈ نے کرنسی نوٹ تبدیل کرنے کی منظوری دے دی ہے لیکن وفاقی حکومت کی جانب سے ابھی تک منظوری نہیں ملی۔

  گورنر اسٹیٹ بینک نے مطالبہ کیا کہ کرنسی نوٹ تبدیل کرنے کے معاملے پر بریفنگ کو ان کیمرا رکھا جائے۔