سٹی 42 : انٹربینک میں ڈالر کی قیمت میں کمی ہوئی ہے۔ 

سٹیٹ بینک کے مطابق انٹربینک میں امریکی ڈالر کی قدر میں ایک پیسے کی کمی ہوئی ہے، انٹربینک میں ڈالر 280.46 روپے سے کم ہوکر 280.45 روپے پر بند ہوا ہے۔ 

اوپن مارکیٹ میں امریکی ڈالر 281.50 روپے پر برقرار رہا۔ اوپن مارکیٹ میں یورو 75 پیسے اضافے سے 330.01 روپے، برطانوی پاؤنڈ 2.73 روپے مہنگا ہوکر 377.47 روپے، جبکہ یو اے ای درہم 77.35 روپے  پر برقرار رہا ۔ اسکے علاوہ اوپن مارکیٹ میں سعودی ریال 4 پیسے کمی سے 75.44روپے کا ہوگیا۔