دنیا کا دوسرا امیرترین شخص بے گھر ہوگیا

Elon Musk sales his property
Elon Musk

ویب ڈیسک: ایلون مسک نے سلیکون ویلی میں اپنا گھر 30 ملین ڈالر کا بیچ دیا۔ یہ ان کی کیلے فورنیا ریاست میں واقع سات جائیدادوں میں سے آخری جائیداد تھی۔

رپورٹ کے مطابق ایلون مسک نے 16 ہزار اسکوائر فٹ 47 ایکڑ پرواقع اپنا گھر اس کی اصل قیمت سے 7.5 ملین ڈالر کم قیمت پر بیچا ہے۔ گھر کے خریدار کی شناخت ظاہر نہیں کی گئی۔

گھر سات بیڈ رومز، سات ہی باتھ رومز، ایک میوزک روز، ایک گرینڈ بال روم یا ناچنے کا کمرہ اور ایک کاک ٹیل روم پر مشتمل ہے۔ 

یاد رہے ٹیسلا الیکٹرک کار کمپنی اور خلائی سفر کمپنی اسپیس ایکس کے مالک ایلون مسک نے گذشتہ سال ایک ٹویٹ میں اعلان کیا تھا کہ وہ اپنی تمام منقولہ وغیر منقولہ جائیدادیں فروخت کردیں گے اور بے گھر ہونا پسند کریں گے۔ انہوں نے اپنی اس ٹویٹ کو عملی جامہ پہنا دیا ہے اور اپنی تمام جائیداد 144 ملین ڈالر میں فروخت کردی ہے۔ 

ایلون مسک اس وقت بوکا شیکا ٹیکساس میں ایک گھر میں رہ رہے ہیں جس کا سالانہ کرایہ 50 ہزار ڈالر ہے یہ گھر ان کی کمپنی اسپیس ایکس کی ملکیت ہے۔ 

ٹیسلا اور اسپیکس جیسی کمپنیوں کے بانی ایلون مسک، اب ایمیزون کے بانی جیف بیزوز  کے بعد  دنیا کے دوسرے امیر ترین شخص  ہیں ان کے مجموعی اثاثے 175.2 ارب ڈالرز جبکہ جیف بیزوز 186.8 ارب ڈالر کے اثاثوں کے ساتھ دنیا کے امیرترین شخص  ہیں۔