سٹی 42: شاہراہِ بابوسر پر تھک کے مقام پر اونچے درجے کا سیلاب۔، زیروپوائنٹ سے سڑک ٹریفک کیلئے مکمل طور پر بند کردی گئی ۔
ترجمان این ایچ اے کے مطابق شاہراہ کو زیرو پوائنٹ پر ٹریفک کے لیے مکمل طور پر بند کر دیا گیا ہے۔مسافروں اور سیاحوں کو ضلعی انتظامیہ کی جانب سے شاہراہِ بابوسر کے بجائے متبادل راستے کے طور پر شاہراہِ قراقرم استعمال کرنے کی ہدایت کی گئی ہے۔
شاہراہِ قراقرم پر شنگ نالہ (گونر فارم) کے قریب مال بردار ٹرک الٹنے کے باعث شاہراہ ہر قسم کی آمد و رفت کے لیے بند ہو گئی ہے۔گونر فارم چیک پوسٹ پر ٹریفک کو فوری طور پر روک کر مزید گاڑیوں کا داخلہ بند کر دیا گیا ہے۔ضلعی انتظامیہ اور ریسکیو ٹیمیں بھاری مشینری کے ساتھ موقع پر موجود ہیں۔ حادثے کے شکار ٹرک کو ہٹا کر شاہراہ کی جلد بحالی کے لیے کارروائی جاری ہے۔
مسافروں سے گزارش ہے کہ شاہراہ کی مکمل بحالی تک غیر ضروری سفر سے گریز کریں اور انتظامیہ کی ہدایات پر عمل کریں۔