(ویب ڈیسک) انٹرنیشنل کرکٹ کونسل (آئی سی سی) نے ٹی ٹوینٹی کھلاڑیوں کی رینکنگ جاری کر دی۔
آئی سی سی کی جاری کر دہ رینکنگ کے مطابق انگلینڈ کے ڈیوڈ ملان پہلے نمبر ہیں جبکہ پاکستانی کپتان بابر اعظم دوسرے نمبر پر برقرار ہیں۔ویسٹ انڈیز کے خلاف سیریز کے اختتام پر بابر اعظم کے 14 رینکنگ پوائنٹس میں کمی ہونے کے بعد بابر اعظم کے رینکنگ پوائنٹس 819 ہو گئے جبکہ انگلینڈ کے ڈیوڈ ملان کے رینکنگ پوائنٹس 841 پر آ گئے۔
پاکستان کے وکٹ کیپر بیٹسمین محمد رضوان ٹی ٹوینٹی ریکنگ میں چھٹے سے ساتویں نمبر پر چلے گئے جبکہ بھارتی بلے باز کے ایل راہول چھٹے نمبر پر چلے گئے۔ٹی ٹوئنٹی باؤلرز رینکنگ میں ساؤتھ افریقہ کے تبریز شمسی کا پہلا نمبر برقرار ہے جبکہ ٹاپ ٹین میں پاکستان کا کوئی باؤلر شامل نہیں۔ شاہین آفریدی رینکنگ میں 22 ویں نمبر پر چلے گئے ہیں۔ٹی ٹوینٹی آل راؤنڈرز رینکنگ میں افغانستان کے محمد نبی کا پہلا نمبر برقرار ہے جبکہ ٹاپ ٹین آل راؤنڈرز میں پاکستان کا کوئی کھلاڑی شامل نہیں۔