ویب ڈیسک: پاکستان کے خلاف ون ڈے سیریز کیلئے نیوزی لینڈ نے ٹیم کا اعلان کر دیا ہے۔
تفصیلات کے مطابق نیوزی لینڈ نے پاکستان کے خلاف 5 ون ڈے میچز کی سیریز کیلئے اسکواڈ کا اعلان کر دیا ہے۔ کیوی ٹیم کی قیادت انٹرنیشنل کرکٹ میں واپسی کرنے والے وکٹ کیپر بلے باز ٹام لیتھم کریں گے جبکہ اسکواڈ میں شامل بین لسٹر اور کول میک کونچی کے پاکستان کے خلاف سیریز میں ون ڈے ڈیبیو کا امکان ہے۔
نیوزی لینڈ کی ون ڈے اسکواڈ میں ٹام لیتھم، بین لسٹر، کول میک کونچی، ٹام بلنڈل، چیڈ باویس، میٹ ہینری، ایڈم ملنے، ڈیرل مچل، ہینری نکولس، جمی نیشم، رچن روندرا، ہینری شیپلے، ایش سودھی، بلیئر ٹکنر اور وِل ینگ شامل ہیں۔
Squad News | @Tomlatham2 will lead a BLACKCAPS ODI Squad in Pakistan later this month featuring two potential debutants in Ben Lister and @cole_mcconchie. More | https://t.co/u3NWaEdg3O #PAKvNZ pic.twitter.com/19UOxbVc4b
— BLACKCAPS (@BLACKCAPS) April 3, 2023
واضح رہے کہ کیوی ٹیم پاکستان کے خلاف ٹی ٹونٹی سیریز کیلئے اسکواڈ کا اعلان پہلے ہی کر چکی ہے، نیوزی لینڈ کی ٹیم 10 اپریل کو پاکستان پہچے گی، نیوزی لینڈ نے دورہ پاکستان کیلئے ثقلین مشتاق کو ٹیم کے اسسٹنٹ کوچ کی حیثیت سے منتخب کیا ہے۔ نیوزی لینڈ کے مطابق ثقلین مشتاق کا ٹیم میں شامل ہونا کیوی کھلاڑیوں کو پاکستانی کنڈیشنز سے ہم آہنگی میں مددگار ہو گا۔