(سعود بٹ)  قومی احتساب بیور نے صاف پانی کمپنی سکینڈل میں سابق وزیر اعلیٰ پنجاب  کو 5 اکتوبر کو طلب کر لیا، شہباز شریف کو نیب کا نوٹس بھی موصول ہوچکا ہے۔

 تفصیلات کے مطابق نیب نے سابق وزیر اعلیٰ پنجاب اور موجودہ اپوزیشن لیڈر شہباز شریف کو 5 اکتوبر کو بروز جمعہ کو طلب کر لیا ہے۔ ذرائع کے مطابق شہباز شریف کو جمعہ کی صبح 11 بجے طلب کیا گیا، انہیں طلبی کا نوٹس بھی موصول ہوچکا ہے۔

ذرائع کے مطابق شہباز شریف نے صاف پانی پراجیکٹ پر وکلاء سے مشاورت شروع کردی ہے،شہباز شریف نے ڈیڑھ ارب روپے کنسلنٹنسی کی مد میں سروے کرانے کے لیے دیئے لیکن کنسلنٹ فرموں نے نہ تو کسی جگہ بور کیا اور نہ ہی پانی کا کوئی پلانٹ لگایا۔

واضح رہے کہ شہباز شریف سے گزشتہ پیشی پر صاف پانی میں مبینہ طور پر مہنگے داموں ٹھیکے دینے اور حکومتی خزانے کو کروڑوں کا نقصان پہنچانے کے حوالے سے پوچھا گیا تھا۔ شہباز شریف کو آئندہ پیشی پر تمام متعلقہ دستاویزات سمیت طلب کیا گیا۔