(سٹی 42) وزیراعلیٰ پنجاب سردار عثمان بزدار سے رکن پنجاب اسمبلی امجد محمود نے ملاقات کی ،رکن اسمبلی نے ڈیم فنڈ کے لئے 25 لاکھ کا چیک وزیر اعلیٰ پنجاب کے حوالے کیا ۔

تفصیلات کے مطابق وزیراعلیٰ پنجاب عثمان بزدار سے رکن پنجاب اسمبلی امجد محمود نے ملاقات کی ،ملاقات میں نئے بلدیاتی نظام پر تبادلہ خیا ل کیا گیا اور پانی کی قلت کو دور کرنے اور زرعی پیداور میں اضافہ کو  یقینی بنانے پر غور کیا گیا ، اس موقع پر رکن پنجاب اسمبلی نے ڈیم فنڈ کیلئے 25 لاکھ روپے کا عطیہ دیا،امجد محمود کا کہناتھا کہ میری ہرماہ تنخواہ بھی ڈیم فنڈزمیں جائےگی۔

وزیراعلیٰ پنجاب سردار عثمان بزدار نے کہا ہے کہ پانی کومحفوظ کرنے کیلئے ڈیم کی تعمیروقت کا اہم تقاضاہے۔