( ویب ڈیسک) ٹی 20 ورلڈ کے دلچسپ مقابلے جاری ہیں، پاکستان سے شکست کے بعد افغانستان کی ٹیم آج بھارت کے ساتھ کھیلے گی، میچ سے قبل افغان کرکٹر راشد خان کی ایک ویڈیو منظرعام پر جس میں انہوں نے افغانستان کے شائقین سے اپیل کی۔
ٹی ٹوئنٹی ورلڈکپ کےسنسنی خیز مقابلے جاری ہیں، آج افغانستان اور بھارت کے مابین مقابلہ ہوگا، میچ سے قبل افغان اسپنر راشد خان نے افغان شائقین سے اپیل کی ہے کہ صرف ٹکٹ والے افراد ہی سٹیڈیم میچ دیکھنے آئیں۔
اپنے آفیشل ٹویٹ اکاؤنٹ پر راشد خان نے ایک ویڈیو شیئر کی،ٹوئٹر ویڈیو میں وہ اپنی زبان میں شائقین کرکٹ سے مخاطب ہیں،ٹوئٹ میں لکھا کہ میں میچ کو لے کر بہت پرجوش ہوں لیکن گزشتہ ہفتے اسٹیڈیم کے حالات دیکھ کر کافی مایوس ہوا تھا۔
راشد خان نے مزید لکھا کہ اپنے قومی پرچم کو بلند کرنے اور ملک کا سر فخر سے بلند کرنے کے لیے افغان کرکٹ شائقین کو قوانین کا احترام کرنا ہوگا اور میچ دیکھنے کے لیے ٹکٹ خرید کر ہی اسٹیڈیم میں آنا ہوگا۔
I’m super excited about tomorrow’s AFGvIND game. I was disappointed at the scenes last weekend; we need to fly our national flag ???????? high & do our country proud. Pls respect rules & support the organisers @ICC @T20WorldCup @AbuDhabiCricket, only coming to the stadium with a ticket pic.twitter.com/GXsf1vSoiR
— Rashid Khan (@rashidkhan_19) November 2, 2021
واضح رہے کہ 29 اکتوبر کو دبئی انٹرنیشنل اسٹیڈیم میں پاکستان اور افغانستان کے درمیان کھیلے گئے میچ کے دوران متعدد شائقین ٹکٹ کے بغیر پنڈال میں گُھس گئے جس کی ویڈیوز سوشل میڈیا پر وائرل ہوئی تھیں۔