جنید ریاض:وزیر تعلیم پنجاب مراد راس کا کہنا ہے کہ  ڈیٹا سنٹر بننے سے 4 لاکھ اساتذہ کی اے سی آر ہم نے آن لائن وصول کی ہے۔آئندہ کچھ عرصہ میں پرموشن کو بھی آن لائن کردیا جائے گا۔اب اساتذہ کو رشوت نہیں دینا پڑے گی۔ 

مراد راس کا سکول ایجوکیشن سسٹم سے متعلق بیان میں مزید کہنا تھا کہ ڈیٹا سنٹر کا قیام انقلابی اقدام ہے، سسٹم آن لائن ہونے سے10 ارب کی کرپشن ختم ہوگئی  ،اب اساتذہ کو رشوت نہیں دینی پڑے گی۔

انہوں نے مزید کہا کہ ڈیٹا سنٹر کے قیام سے سکول ایجوکیشن میں شفافیت آئے گی۔سکول ایجوکیشن کے 12 اداروں کا ڈیٹا ایک جگہ موجود ہوگا۔ڈیٹا سنٹر بننے سے محکمہ کو پیپر لیس  سسٹم کی طرف لے جارہے ہیں۔