سٹی 42: نامور بھارتی اداکارہ شریا سرن نے اپنے انسٹاگرام اکاؤنٹ پر ایک ویڈیو پوسٹ کی ہے جس میں دیکھا جاسکتا ہے کہ اونٹ نے ان پر اچانک حملہ کردیا۔
تفصیلات کے مطابق شریا سرن متعدد تلگو فلموں میں اداکاری کے جوہر دکھاچکی ہیں جبکہ انہوں نے چند بالی وڈ فلموں میں بھی کام کیا ہے۔ان دنوں اداکارہ اپنے شوہر آندری کوشیو کے ساتھ پیرو کے تاریخی مقام ماچو پیچو میں چھٹیاں منارہی ہیں۔اسی حوالے سے انہوں نے انسٹاگرام پر ایک ویڈیو پوسٹ کی ہے جس میں دیکھا جاسکتا ہے کہ وہ گھاس پر بیٹھی ہیں اور ان کے آگے اور پیچھے ایک ایک اونٹ گھاس چر رہے ہیں۔
View this post on Instagram
اتنے میں شریا کے سامنے موجود اونٹ اچانک تیزی سے ان کی جانب بڑھتا ہے تاہم اداکارہ بچ کر دوسری طرف نکلنے میں کامیاب رہتی ہیں۔
بعد ازاں اداکارہ نے ایک اور ویڈو بھی پوسٹ کی جس میں وہ اونٹ کو پیار کررہی ہیں۔