ویب ڈیسک:وفاقی دارالحکومت میں قتل ہونے والی ٹک ٹاکر ثنا یوسف نے اپنے قتل سے کچھ دیر پہلے اپنی سالگرہ کی ویڈیو پوسٹ کی تھی۔
ویڈیو میں ثنا یوسف کو دیکھا جا سکتا ہے کہ وہ اپنی سہیلیوں کے ساتھ سالگرہ کا کیک کاٹ رہی ہیں،سوشل میڈیا پر دعوے کیے جا رہے ہیں کہ یہ ان کی 17 ویں سالگرہ تھی لیکن اس حوالے سے تصدیق نہیں ہوسکی۔
خیال رہے کہ ثنا یوسف کو مبینہ طور پر ان کے کزن نے فائرنگ کر کے قتل کیا، واقعہ اُس وقت پیش آیا جب ان کے گھر مہمان موجود تھے، اور اسی دوران ملزم نے فائرنگ کر دی، جس کے نتیجے میں ثنا یوسف کو دو گولیاں لگیں اور وہ شدید زخمی ہو گئیں۔
زخمی حالت میں پہلے انہیں کے آر ایل ہسپتال منتقل کیا گیا، تاہم حالت نازک ہونے کی وجہ سے بعد ازاں شفا انٹرنیشنل ہسپتال لے جایا گیا جہاں وہ زخموں کی تاب نہ لاتے ہوئے دم توڑ گئیں۔