(مانیٹرنگ ڈیسک) وفاقی وزیر برائے موسمیاتی تبدیلی شیری رحمان نے کہا ہے کہ پارلیمانی جمہوریت کے خلاف عمران خان کا بیان قابل مذمت ہے۔ انہوں نے ہمیشہ پارلیمانی جمہوریت کیخلاف ہرزہ سرائی کی۔
مائیکرو بلاگنگ سائٹ ٹویٹر پر اپنے پیغام میں وفاقی وزیر اور پاکستان پیپلزپارٹی کی رہنما شیری رحمان نے لکھا کہ عمران خان کی نظر میں وہی نطام درست ہے جس میں ان کو اقتدار ملے پھر چاہے وہ صدارتی نظام ہی کیوں نہ ہو۔
پاکستان کے لوگوں کے اخلاقی معیار کا مذاق اڑا کر عمران خان نے ہر پاکستانی کی تذلیل کی ہے۔ وہ شخص جو کرپٹ اقدامات کی وجہ سے نااہل ہوا ہے وہ اب قوم کو بلند اخلاقیات کا درس دے رہا ہے۔ اگر یہ خود اخلاقی اصولوں پر چلتے ہیں تو نااہلی کے بعد سیاست کیوں نہی چھوڑ رہے؟ 2/3
— SenatorSherryRehman (@sherryrehman) December 3, 2022
شیری رحمان نے لکھا کہ عمران خان خود سیاستدان کے لبادے میں ایک آمر ہیں جنھوں نے چھبیس سال سیاسی جدوجہد اور چیرٹی کے نام پر پیسے کھانے میں گزارے۔
انہوں نے یہ بھی کہا کہ پاکستان کے لوگوں کے اخلاقی معیار کا مذاق اڑا کر عمران خان نے ہر پاکستانی کی تذلیل کی ہے۔ اگر یہ خود اخلاقی اصولوں پر چلتے ہیں تو نااہلی کے بعد سیاست کیوں نہیں چھوڑ رہے؟۔