ویب ڈیسک:سوات اور ملحقہ علاقوں میں رات گئے زلزلے کے جھٹکے محسوس کیے گئے، جس کے بعد شہریوں میں خوف و تشویش پھیل گئی۔

 زلزلہ پیما مرکز اسلام آباد کے مطابق زلزلے کی شدت ریکٹر اسکیل پر 5.0 ریکارڈ کی گئی، جبکہ اس کی زیرِ زمین گہرائی 224 کلومیٹر تھی،زلزلہ پیما مرکز کے مطابق زلزلے کا مرکز ہندوکش کے پہاڑی سلسلے میں تھا۔

 زلزلے کے جھٹکے محسوس ہوتے ہی بعض علاقوں میں شہری گھروں اور عمارتوں سے باہر نکل آئے۔ ابتدائی اطلاعات کے مطابق زلزلے سے کسی جانی یا مالی نقصان کی اطلاع موصول نہیں ہوئی۔

 زلزلے کے باعث شہریوں میں کچھ دیر کے لیے خوف و ہراس پھیل گیا، تاہم صورتحال معمول پر آنے لگی۔