کرسٹیانو رونالڈو انٹرنیشنل فٹبال میں سب سے زیادہ گول کرنے والے کھلاڑی بن گئے

کرسٹیانو رونالڈو انٹرنیشنل فٹبال میں سب سے زیادہ گول کرنے والے کھلاڑی بن گئے
Cristiano Ronaldo breaks world record

ویب ڈیسک:   پرتگال کے اسٹار فٹبالر کرسٹیانو رونا لڈو انٹرنیشنل مینز  فٹبال میں سب سے زیادہ گول کرنے والے کھلاڑی بن گئے ہیں۔

تفصیلات کے مطابق ورلڈ کپ کوالیفا ئنگ میچ میں کرسٹیانو رونالڈو نے پرتگال کی طرف سے کھیلتے ہوئے  آئرلینڈ کے خلاف 110 واں انٹرنیشنل گول کرکے  ایران  کے سابق فٹبالر علی داعی کا 109 گولز کا عالمی ریکارڈ توڑ دیا۔

گزشتہ روز پرتگال نے  آئر لینڈ  کیخلاف  میچ میں 1-2 سے کامیابی حاصل کی ۔پرتگال کی جانب سے دونوں گو ل کپتان کرسٹیانو  رونالڈو نے کیے اور رونالڈو انٹرنیشنل مینز فٹبال میں سب سے زیادہ گول کرنے والے کھلاڑی بن گئے ۔

 رونالڈو نے  180 میچز میں 110 انٹرنیشنل گول مکمل کیے جبکہ   ایرانی فٹبالر علی داعی نے 109 گول 149 میچز میں اسکور کیے تھے ۔