روزینہ علی : آج رات کے موسم کی  صورتحال کے حوالےسے محکمہ موسمیات کا کہنا ہے کہ ملک کے بیشتر میدانی علا قوں میں مو سم خشک رہے گا، جبکہ گلگت بلتستان اور کشمیر میں چند مقامات پر تیز ہواوں اور گرج چمک کے ساتھ با رش کی توقع ہے، پہاڑوں پر برفباری کا امکان ہے۔ 

جمعہ  کے روز موسم کی   صورتحال کے متعلق محکمہ موسمیات کا کہنا ہے کہ  پنجاب کے بیشتر میدانی علاقوں میں  موسم خشک  رہے گا ، جبکہ مری ، گلیات اور گردونواح  مطلع جزوی ابر آلود رہے گا۔ صبح کے اوقات میں منگلہ،  سیالکوٹ، نارووال، گوجرانوالہ ، لا ہور،  اوکاڑہ، ساہیوال میں سمو گ چھا ئے رہنے  کا امکان ہے، ساتھ ہی سرگودھا، منڈی بہاوالدین، جوہرآباد، فیصل آباد،   بہاولپور ، ڈیرہ غازی خان  اور گر دو نواح میں بھی سموگ چھائے رہنے  کا امکان ہے۔ 

 محکمہ موسمیات کے مطابق اسلام آباد اور خیبرپختونخوا کے بیشتر اضلاع میں  موسم خشک رہے گا، جبکہ خیبرپختونخوا کے بالائی اضلاع  میں سرد رہے گا۔ 

محکمہ موسمیات کا کہنا ہے کہ بلوچستان کے بیشتر اضلاع میں موسم خشک رہے گا، سندھ کے بیشتر اضلاع میں موسم خشک رہے گا، گلگت بلتستان میں موسم سرد  اور مطلع ابر آلود رہے گا۔ کشمیر  میں چند مقامات پر  ہلکی بارش  اور پہاڑوں پر  ہلکی برفباری   ہو سکتی ہے۔