ویب ڈیسک: وکٹ کیپر بیٹر محمد رضوان سے بھارت کے سوریا کمار یادیو نے ٹی 20 کی بادشاہت چھین لی۔
آسٹریلیا میں جاری ٹی 20 ورلڈ کپ میں خراب کارکردگی کی بدولت بابر اور محمد رضوان آئی سی سی ٹی 20 رینکنگ میں تنزلی کا شکار ہوگئے ہیں۔بھارت کے سوریا کمار یادیو نے محمد رضوان سے ٹی 20 کے بہترین بلے باز کی اولین پوزیشن چھین لی ہے اور اب پاکستان کے وکٹ کیپر بیٹر پہلی سے دوسری پوزیشن پر آگئے ہیں۔
آئی سی سی ٹی 20 رینکنگ نیوزی لینڈ کے ڈیون کانوئے تیسرے، بابر اعظم چوتھے، ایڈن مارکرم پانچویں، ڈیوڈ ملان چھٹے اور گلین فلپس ساتویں نمبر پر ہیں۔ٹی 20 کے 10 بہترین بولرز میں پاکستان کو کوئی بولر شامل نہیں، افغانستان کے راشد خان سب سے آگے ہیں، سری لنکا کے ونندو ہسارانگا دوسرے، تبریز شمسی تیسرے، جوش ہیزل ووڈ چوتھے اور مجیب الرحمان ساتویں نمبر پر ہیں۔آئی سی سی ٹی 20 کے بہترین آل راؤنڈر بنگلا دیش کے شکیب الحسن ہیں، ان کے بعد افغانستان کے محمد نبی کا دوسرا، بھارت کے ہاردک پانڈیا کا تیسرا، انگلینڈ کے معین علی کا چوتھا اور ایس ایس سمتھ پونچویں نمبر پر ہے۔