ویب ڈیسک : سابق وفاقی وزیر فوادچوہدری نے نوجوانوں سے آج چاند رات کو باہر نکلنے کی اپیل کردی ۔ انصاف یوتھ ونگ کی تمام ریجنل، ضلعی اور ذیلی تنظیمیں بحال کردی گئیں۔
رپورٹ کے مطابق انصاف یوتھ ونگ کی تمام ریجنل، ضلعی اور ذیلی تنظیمیں 4 ماہ بعد بحال کر دی ہیں جو کچھ عرصہ پہلے معطل کردی گئی تھیں۔ تجزیہ کاروں نے موجودہ ڈویلپمنٹ کو پاکستان تحریک انصاف کی جانب سے لانگ مارچ کی تیاری کا اقدام قرار دیا ہے ۔
یادرہے آج نکلنے والے چاند رات جلوس کو پاکستان تحریک انصاف کے رہنما لانگ مارچ کا پہلا قدم قرار دے رے ہیں ۔
تمام یوتھ ونگ کے نوجوان اب تیاری پکڑیں، آج چاند رات پرچم لے کر نکلیں اور لانگ مارچ کی ابتداءً کریں #امپورٹڈ_حکومت_نامنظور https://t.co/5ujuldzpCr
— Ch Fawad Hussain (@fawadchaudhry) May 2, 2022
قبل ازیں پی ٹی آئی رہنما فوادچوہدری نے سوشل میڈیا پلیٹ فارم ٹوئٹر پر ایک پیغام میں کہا ہے کہ شاید پاکستان کی تاریخ میں پہلی بار کوئی حکومت توہین مذہب قانون اپوزیشن کے خلاف استعمال کررہی ہے۔ ان کا کہنا ہے کہ پہلے صرف فرقے اور انتہا پسند ذاتی انتقام کے لیے اس الزام کو استعمال کرتے تھے۔ مگر آج وفاقی وزراتوہین مذہب کے قانون کا نشانہ بناکر اسے کامیابی سمجھ رہے ہیں۔