سٹی 42:چیئرمین پاکستان کرکٹ بورڈ محسن نقوی کی زیر صدارت اہم اجلاس منعقد کیا گیا،اجلاس میں مستقبل کی کرکٹ سیریز سےمتعلق تیاریوں کا جائزہ لیا گیا، محسن نقوی نے کہا کہ انٹرنیشنل کرکٹرزکیساتھ کھیلنےسےڈومیسٹک پلیئرزکی گرومنگ ہو گی۔

 اجلاس میں شاہینز ٹیم کی کرکٹ سیریز کی تیاریوں کاجائزہ لیاگیا۔سنٹرل کنٹریکٹ پر کام شروع کرنے کی ہدایت کی گئی۔قومی ٹیم کی جنوبی افریقااورسری لنکاکیخلاف ہوم سیریز،دورہ ویسٹ انڈیزاوربنگلادیش کی تیاریوں پربریفنگ دی گئی۔ اجلاس میں فیصلہ کیا گیا کہ تمام انٹرنیشنل کرکٹرز ایک ڈومیسٹک ٹورنامنٹ لازمی کھیلیں گے۔

محسن نقوی کا کہنا تھا کہ ڈومیسٹک کرکٹ کامضبوط ڈھانچہ ہی بہترین کرکٹرزکوآگےلا سکتاہے، ڈومیسٹک کرکٹرزسےہی انٹرنیشنل کرکٹرزکااچھابیک اپ ملےگا۔

ڈائریکٹرانٹرنیشنل کرکٹ عثمان واہلہ نےآئندہ کرکٹ سیریزبارےبریفنگ دی گئی ۔اجلاس میں ہیڈ کوچ مائیک ہیسن، چیف آپریٹنگ آفیسر سمیر احمد ،مینجر نوید اکرم چیمہ،ڈائریکٹر انٹرنیشنل کرکٹ عثمان واہلہ ،ڈائریکٹر ہائی پرفارمنس سنٹرز عاقب جاوید اور کپتان سلمان آغا نے شرکت کی۔