ویب ڈیسک: قومی کرکٹر ٹیم کے بیٹر اور وکٹ کیپر محمدحارث نے تنقید کرنے والا کا منہ بند کردیا، ٹی ٹوئنٹی میچ میں شاندار سنچری سکور کر کے اہم اعزاز اپنے نام کرلیا۔
تفصیلات کےمطابق گزشتہ روز لاہور قذافی اسٹیڈیم میں کھیلے گئے ٹی ٹوئنٹی میچ میں پاکستان نے بنگلہ دیش کو واٗئٹ واش کردیا، میچ میں ناقابل شکست اننگز کھیلنے والے قومی کرکٹ ٹیم کے وکٹ کیپر محمدحارث نے ٹی ٹوئنٹی میچ کی پہلی شاندار سنچری بنائی۔
محمد حارث ٹی ٹوئنٹی کرکٹ میں سنچری بنانے والے پہلے پاکستانی نان اوپنر بن گئے ہیں۔ یہ کارنامہ انہوں نے صرف 45 گیندوں پر انجام دیا جو کہ پاکستان کی جانب سے ٹی ٹوئنٹی میں دوسرا تیز ترین سنچری اسکور ہے۔
Mohammad Haris hits his maiden T20I 100* — scenes of celebration #PAKvBAN | #ClashOfGreen pic.twitter.com/tm574IhCNM
— Pakistan Cricket (@TheRealPCB) June 1, 2025
اس سے قبل اسی سال پاکستانی بلے باز حسن نواز نیوزی لینڈ کے خلاف 44 گیندوں پر سنچری بنا چکے ہیں۔
بنگلہ دیش کے خلاف تیسرے ٹی ٹوئنٹی کی بات کی جائے تو اس کا شاندار پہلو یہ تھا کہ محمدحارث نے اپنی پوری اننگز میں صرف 4 ڈاٹ گیندیں کھیلیں، یہ زبردست اور جارحانہ کھیل پیش کیا اور کرکٹ کی تاریخ میں ایک نئی مثال قائم کردی۔