سٹی 42 : آرمی چیف فیلڈ مارشل عاصم منیر سے لیبیا کے اعلیٰ سطحی وفد کی ملاقات ہوئی، جس کے دوران پاکستان اور لیبیا کے درمیان سیکیورٹی تعاون بڑھانے پر اتفاق کیا گیا۔
لیبیا کے فیلڈ مارشل خلیفہ حفتر آج جی ایچ کیو راولپنڈی پہنچے ۔نور خان ایئر بیس پر آرمی چیف نے لیبین کمانڈر کا استقبال کیا۔
فیلڈ مارشل عاصم منیر سے لیبیا کے اعلیٰ سطحی وفد کی ملاقات ہوئی۔ جس کے دوران پاکستان اور لیبیا کے درمیان سیکیورٹی تعاون بڑھانے پر اتفاق کیا گیا۔ اس کے علاوہ خطے کی سیکیورٹی صورتحال پر پاک–لیبیا قیادت کے درمیان تبادلۂ خیال کیا گیا ۔
آرمی چیف نے لیبیا میں امن و استحکام کے لیے پاکستان کی حمایت کا اعادہ کیا۔ پاک فوج اور لیبیا کی مسلح افواج کے درمیان پیشہ ورانہ تعاون پر زور دیا گیا، ساتھ ہی پاکستان اور لیبیا کے دیرینہ دوستانہ تعلقات مزید مضبوط بنانے پر اتفاق کیا گیا۔
جی ایچ کیو میں ہونے والی ملاقات خوشگوار اور تعمیری ماحول میں ہوئی۔ فیلڈ مارشل خلیفہ حفتر نے شہداء کی یادگار پر حاضری دی۔
