ویب ڈیسک : پاکستان سپر لیگ (پی ایس ایل) 11 میں کوئٹہ گلیڈی ایٹرز نے اسلام آبادیونائیٹڈ کے خلاف ٹاس جیت کربیٹنگ کافیصلہ کیا ہے۔
پی ایس ایل 11 میں اسلام آباد یونائیٹڈ کو ایونٹ میں پہلی فتح کی تلاش ہے،کوئٹہ گلیڈی ایٹرز 2 میں سے ایک میچ جیت چکی ہے۔
پاکستان سپرلیگ میں آج دو میچز شیڈول ہیں،دوسرے میچ میں کراچی کنگز اور راولپنڈیز شام سات بجے مدمقابل ہوں گے۔ کراچی کنگز دو میچ جیت کر پوائنٹس ٹیبل پر سرفہرست ہیں،کراچی کنگزاورراولپنڈیز کا ٹاکرا شام 7 بجے شروع ہوگا۔
سٹی 42: لاہور ہائیکورٹ میں آوارہ کتوں کے کاٹنے سے متعلق کیس کی سماعت کے دوران پنجاب حکومت نے جنوری 2024 سے 26 مارچ 2026 تک کے واقعات پر مشتمل تفصیلی رپورٹ عدالت میں جمع کرا دی۔ ۔رپورٹ کے مطابق جنوری 2024 سے 26 مارچ 2026 تک پنجاب بھر میں 5 لاکھ 14 ہزار 589 افراد کتوں کے کاٹنے کا شکار ہوئے۔پنجاب حکومت کی جانب سے جمع کروائی گئی اس رپورٹ کی کاپی سٹی فورٹی ٹو نے حاصل کر لی ہے
لاہور ہائیکورٹ میں محکمہ صحت پنجاب کی جمع کروائی گئی رپورٹ کے اعدادوشمار کے مطابق سال 2024 میں 2 لاکھ 32 ہزار 704 افراد کو کتوں نے کاٹا۔
سال 2025 میں 2 لاکھ 43 ہزار 299 کیسز رپورٹ ہوئے۔جبکہ سال 2026 کے ابتدائی تین ماہ میں 38 ہزار 586 واقعات سامنے آئے۔رپورٹ کے مطابق بعض اضلاع میں واقعات کی تعداد نمایاں طور پر زیادہ رہی۔ ڈی جی خان میں سب سے زیادہ 34 ہزار 293 کیسز رپورٹ ہوئے۔ اسی طرح رحیم یار خان میں 33 ہزار 122 اور فیصل آباد میں 32 ہزار 853 افراد کتوں کے کاٹنے کا شکار ہوئے۔دیگر اضلاع میں مظفرگڑھ میں 29 ہزار 471، راجن پور میں 27 ہزار 500 اور راولپنڈی میں 26 ہزار 586 کیسز رپورٹ ہوئے۔رپورٹ کے مطابق بڑے شہروں میں بھی واقعات کی قابلِ ذکر تعداد سامنے آئی ہے۔ لاہور میں 18 ہزار 514 افراد کتوں کے کاٹنے سے متاثر ہوئے جبکہ گوجرانوالہ میں 20 ہزار 147 اور قصور میں 19 ہزار 372 کیسز رپورٹ ہوئے۔اسی طرح میانوالی میں 19 ہزار 099، ملتان میں 16 ہزار 213، سرگودھا میں 15 ہزار 746، شیخوپورہ میں 15 ہزار 340 اور گجرات میں 15 ہزار 468 افراد متاثر ہوئے۔
دیگر اضلاع میں جہلم میں 10 ہزار 776، چکوال میں 10 ہزار 905، ٹوبہ ٹیک سنگھ میں 10 ہزار 899 اور چنیوٹ میں 11 ہزار 405 کیسز رپورٹ ہوئے۔
مزید برآں وہاڑی میں 11 ہزار 290، ساہیوال میں 14 ہزار 860، ننکانہ صاحب میں 8 ہزار 543، بہاولپور میں 9 ہزار 263، بہاولنگر میں 8 ہزار 279 اور پاکپتن میں 8 ہزار 199 واقعات سامنے آئے۔رپورٹ کے مطابق اٹک میں 7 ہزار 997، بھکر میں 7 ہزار 898، خانیوال میں 7 ہزار 463، نارووال میں 6 ہزار 982، اوکاڑہ میں 6 ہزار 724 اور سیالکوٹ میں 6 ہزار 780 افراد متاثر ہوئے۔
اسی طرح خوشاب میں 5 ہزار 887، لیہ میں 5 ہزار 004، لودھراں میں 4 ہزار 949 جبکہ حافظ آباد میں 4 ہزار 723 کیسز رپورٹ ہوئے۔محکمہ صحت کی رپورٹ کے مطابق صوبہ بھر میں کتے کے کاٹنے کے واقعات کی مسلسل نگرانی کی جا رہی ہے اور متاثرہ افراد کو فوری طبی امداد اور اینٹی ریبیز ویکسین فراہم کرنے کے اقدامات بھی جاری ہیں۔
April 04, 2026
April 04, 2026
ملک اشرف : لاہور ہائیکورٹ نے سموگ تدارک سے متعلق کیس کی سماعت کے دوران عدالت نے پی ایچ اے کے رولز کے حوالے سے جاری کیے گئے گزٹ نوٹیفکیشن پر عدم اطمینان کا اظہار کرتے ہوئے شیرانوالہ اور ٹیکسالی گیٹ پراجیکٹس پر جاری حکم امتناعی میں تاحکمِ ثانی توسیع کر دی۔عدالت نے رائیونڈ نہر کے کنارے درختوں کی کٹائی پر بھی سخت ناراضگی کا اظہار کرتے ہوئے کہا کنزرویٹو فاریسٹ ڈیپارٹمنٹ کو تبدیل کیا جائے
جسٹس شاہد کریم نے سموگ تدارک کے متعلق کیس کی سماعت کی۔ دورانِ سماعت جسٹس شاہد کریم نے ریمارکس دیے کہ بین الاقوامی رپورٹس کے مطابق پاکستان دنیا کے سب سے زیادہ آلودہ ممالک میں شامل ہے اور اس آلودگی میں ٹریفک ایک بڑا سبب ہے۔ عدالت نے کہا کہ مختلف ایونٹس کی وجہ سے ٹریفک جام ہو جاتا ہے جس سے سموگ کے خاتمے کے لیے کی گئی مہینوں کی محنت ضائع ہو جاتی ہے۔
عدالت نے مزید ریمارکس دیے کہ پنجاب حکومت کو پی ایم ٹو پوائنٹ فائیو (PM2.5) کی بڑھتی ہوئی شرح کو کنٹرول کرنے کے لیے مزید مؤثر اقدامات کرنا ہوں گے۔ جسٹس شاہد کریم نے ریمارکس دیے کہ لاہور کے باغات اور گرین ایریاز کا تحفظ شہر کے ماحول کے لیے انتہائی ضروری ہے اور اگر پی ایچ اے ان باغات کو بہتر انداز میں بحال کرے تو لاہور کا ماحول بہتر ہو سکتا ہے۔
سماعت کے دوران ممبر ماحولیاتی کمیشن کمال حیدر نے عدالت کو بتایا کہ پی ایچ اے کے رولز تیار ہو چکے ہیں اور ان کا گزٹ نوٹیفکیشن بھی جاری کیا جا چکا ہے۔ اس پر جسٹس شاہد کریم نے استفسار کیا کہ کیا رولز کا مسودہ عدالت یا ماحولیاتی کمیشن کو پہلے دکھایا گیا تھا؟ممبر ماحولیاتی کمیشن نے بتایا کہ انہوں نے مسودہ ابھی دیکھا ہے اور اس میں کچھ مزید چیزیں شامل کی جا سکتی ہیں۔ انہوں نے عدالت سے مہلت کی استدعا کی تاکہ رولز کا دوبارہ جائزہ لیا جا سکے۔
جسٹس شاہد کریم نے ریمارکس دیے کہ رولز کو جلدی میں منظور کیا گیا اور انہیں پہلے عدالت کے ساتھ شیئر کیا جانا چاہیے تھا۔ عدالت نے کہا کہ گزٹ نوٹیفکیشن عدالت کو دکھائے بغیر جاری نہیں کرنا چاہیے تھا۔پی ایچ اے کے وکیل نے مؤقف اختیار کیا کہ ماحولیاتی کمیشن کی رضامندی کے بعد ہی گزٹ نوٹیفکیشن جاری کیا گیا۔ اس موقع پر سول سوسائٹی کی جانب سے بھی نوٹیفکیشن میں بہتری کے لیے سفارشات عدالت میں جمع کرائی گئیں۔
سماعت کے بعد سیکرٹری ماحولیاتی کمیشن نے سٹی فورٹی ٹو سے گفتگو بھی کی ،عدالت نے ماحولیاتی کمیشن اور پی ایچ اے کو ہدایت کی کہ وہ سول سوسائٹی کی جانب سے پیش کی گئی سفارشات کا جائزہ لے کر قابلِ عمل تجاویز پر مشتمل رپورٹ عدالت میں جمع کروائیں۔سماعت کے دوران پنجاب حکومت، ممبر ماحولیاتی کمیشن، ایل ڈی اے اور پی ایچ اے کے وکلاء عدالت میں پیش ہوئے جبکہ ڈپٹی ڈائریکٹر ماحولیات علی اعجاز اور سیکرٹری ماحولیاتی کمیشن فرحان سعید بھی عدالت میں موجود تھے۔
عدالت نے کیس کی مزید سماعت 9 اپریل تک ملتوی کر دی۔
سٹی 42: پی ایس ایل الیون ;کراچی کنگز نے ٹاس جیت کر پہلے فیلڈنگ کرنے کا فیصلہ کیا گیا
کراچی کنگز کا ٹاس جیت کر پہلے فیلڈنگ کرنے کا فیصلہ کرلیا ۔
کراچی کنگز میں ڈیوڈ وارنر (کپتان)،محمد وسیم، سلمان علی آغا ،سعد بیگ اور معین علی شامل خوشدل شاہ، اعظم خان، عباس آفریدی، حسن علی ، ایڈم زمپا اور میر حمزہ ٹیم میں شامل ہیں ۔
راولپنڈیز میں محمد رضوان (کپتان )، یاسر خان، عبد اللہ فضل، کامران غلام، سیم بلنگز ،ڈیرل مچل، کول میکونچی، رشاد حسین، نسیم شاہ ،محمد عامر ، محمد عامر خان ٹیم میں شامل ہیں ۔
April 04, 2026
April 04, 2026
سٹی 42: الیکشن کمیشن نے تحریک انصاف کے نااہل سینیٹر مراد سعید کی خالی نشست پر الیکشن شیڈول جاری کر دیا، پولنگ 23 اپریل کو خیبر پختونخواہ اسمبلی میں ہوگی۔
الیکشن کمیشن کی جانب سے جاری کردہ اعلامیے کے مطابق مراد سعید کی خالی ہونے والی خالی نشست پر ریٹرننگ افیسر کی جانب سے پبلک نوٹس آج جاری کیا جائے گا، کاغذات نامزدگی چھ اور سات اپریل کو جمع کرائے جائیں گے۔
10 اپریل کو کاغذات نامزدگی کی اسکروٹنی ہوگی اور 13 اپریل کو کاغذات مسترد ہونے کے خلاف اپیلیں دائر کی جائیں گی۔ 15 اپریل کو اپیلوں پر سماعت ہوگی اور 16 اپریل کو امیدواروں کی فہرست جاری کی جائے گی۔
17 اپریل کو کاغذات نامزدگی واپس لیے جائیں گے، پولنگ 23 اپریل کو صبح نو سے شام چار بجے تک خیبر پختون خواہ اسمبلی میں ہوگی۔
سٹی 42: نائب وزیراعظم اسحاق ڈار کا ازبک وزیر خارجہ سے ٹیلیفونک رابطہ ہوا۔
ترجمان دفتر خارجہ کے مطابق نائب وزیراعظم اسحاق ڈار اور بختیار سعیدوف نے علاقائی صورتحال پر تبادلہ خیال کیا ۔ازبک وزیر خارجہ کی جانب سے خطے میں امن کے لیے پاکستان کے فعال کردار کی تعریف۔ازبکستان نے اسلام آباد میں چار وزرائے خارجہ کے حالیہ اجلاس کی میزبانی کو سراہا۔
ازبک وزیر خارجہ کا پاکستان-چین پانچ نکاتی اقدام کی بھرپور حمایت کا اظہار کیا ۔
ازبک وزیر خارجہ نے کہا خلیج اور مشرقِ وسطیٰ میں امن کے لیے پاکستان اور چین کا اقدام خوش آئند ہے، دونوں رہنماؤں نے باہمی دلچسپی کے امور پر قریبی رابطہ برقرار رکھنے پر اتفاق کیا۔
April 04, 2026
April 04, 2026
سٹی 42: پی ایس ایل الیون ;اسلام آباد یونائیٹڈ نے کوئٹہ گلیڈی ایٹرز کو آٹھ وکٹوں سے شکست دے دی ۔
اسلام آباد یونائیٹڈ نے 184 رنز کا ہدف 18 اعشاریہ دو اوورز میں پورا کرلیا۔
سمیر منہاس82 ، شاداب خان69 ، ڈیون کانوائے 18 رنز بناکر نمایاں رہے ۔کوئٹہ گلیڈی ایٹرز کے ابرار احمد نے دو کھلاڑیوں کو آؤٹ کیا۔
سٹی 42: پی ایس ایل الیون ؛ کوئٹہ گلیڈی ایٹرز نے اسلام آباد یونائیٹڈ کو کامیابی کے لیے184 رنز کا ہدف دے دیا ۔
کوئٹہ گلیڈی ایٹرز نے پانچ وکٹوں کے نقصان پر183 رنز بنائے ۔حسن نواز66 ، سعود شکیل 42، ٹام کرن29 ، شامل حسین 21 رنز بناکر نمایاں رہے ۔
اسلام آباد یونائیٹڈ کے شاداب خان نے تین ، سلمان ارشاد اور عماد وسیم نے ایک ایک کھلاڑی کو آؤٹ کیا۔
April 04, 2026
2 Apr, 2026
2 Apr, 2026
2 Apr, 2026
2 Apr, 2026
2 Apr, 2026
2 Apr, 2026
2 Apr, 2026